हे महाराष्ट्र राज्यातील पालघर जिल्ह्यातील विक्रमगड तालुक्यातील एक महत्त्वाचे आदिवासी बहुल गाव आहे. तलवाडा हे गाव तलवाडा ग्रामपंचायतीअंतर्गत येते व या परिसरातील सामाजिक, शैक्षणिक व प्रशासकीय दृष्टीने महत्त्वाचे केंद्र म्हणून ओळखले जाते. या गावामध्ये प्रामुख्याने वारली व इतर आदिवासी समाजाचे लोक राहतात आणि येथे आदिवासी परंपरा, संस्कृती व लोककला जपून ठेवलेली आहे.

सन २०११ च्या जनगणनेनुसार तलवाडा गावाची लोकसंख्या सुमारे ३५८२ इतकी आहे. गावात एकूण ६४१ कुटुंबे राहतात आणि येथे अनुसूचित जमातीचे प्रमाण मोठ्या प्रमाणात आहे. गावातील साक्षरता दर सुमारे ६४.५४% आहे.

गावामध्ये जिल्हा परिषद प्राथमिक शाळा, अंगणवाडी केंद्रे तसेच प्राथमिक आरोग्य सुविधा उपलब्ध आहेत. तलवाडा येथे प्राथमिक आरोग्य केंद्र (PHC) देखील असून परिसरातील गावांना वैद्यकीय सेवा पुरविल्या जातात.

तसेच गावात मंदिरे, सामुदायिक सभागृह, पाणीसाठवण व्यवस्था, सार्वजनिक विहिरी तसेच शेतीसाठी वापरली जाणारी शेततळी यांसारख्या धार्मिक व सामाजिक सुविधा उपलब्ध आहेत. येथील लोकांचे मुख्य व्यवसाय शेती, शेतीमजुरी व लघुउद्योगाशी संबंधित आहेत.

तलवाडा हे गाव सह्याद्री पर्वतरांगांच्या परिसरात वसलेले असून नैसर्गिक सौंदर्याने नटलेले आहे. विक्रमगड तालुक्यातील बहुतांश लोकसंख्या आदिवासी असल्यामुळे येथे पारंपरिक सण, नृत्य व लोककला आजही जपली जाते.